Shillong: Ki lad khubor, ki iathuh ba ki BSF, ki la siat sha suin, da ki phew kuli, mynta ka miet, na ka bynta ban pynpra ia ki paidbah, kiba ialum hajan ka shnong Umsyiem.
La iathuh ba ka jingjia, ka dei hadien, ba ki BSF, ki la pynthut ia ki briew, kiba mut ban leit sha Dawki bad dei na katei ka daw, ba ka sa mih ka jing ia hylla jong ki riew paidbah ia kitei ki BSF bad hadien ba ki la nang bun ki paidbah, kiba ia tur sha ka ktem jongki, kaba don hajan Umsyiem; ki BSF, ki la siat sha suin, ban pyntieng ia ki paidbah, kiba sdang ban ia pyni bor bad ki la bom lathi ruh ia ki riew paidbah. La iathuh ba kane ka jingjia, ka sdang, da kaba ki don kiba leit kawang maw, ia ka ktem jong ki BSF, kaba don ha Lad Umsyiem bad katei ka la pynlong ia kitei ki shipai, ba kin bom lathi bad siat ban pyntieng ia kitei kiba leit ther maw sha katei ka jaka pahara jongki.
Kat haduh ba thoh ia kane ka khubor, ym pat lah ban tip, la ki don katno ngut kiba la mynsaw, na katei ka jingjia, wat la ki video, kiba la ioh da U Rupang, ki pyni, ba ki don kiba la mynsaw; tangba ym tip, la ka dei na ka jingshah bom shah tied ne ka dei na kano ka daw.
Lada ki pulit ne ki riew paitbah ruh ki siat kuli sha suin ki pyrkhat ba ki kuli Kim hap shuh sha khyndew,lada jia ba u kuli un hap biang bad leit kum hap ha khlieh ki briew pat Mano ban kitkhlieh?.