Siat ka China, 11 tylli ki namding sha ki rud um ka Taiwan

Ka China, ka la siat namding sha ki rud um jong ka Taiwan, mynta ka sngi bad la iathuh ba ka jing kilan met ki shipai ka China, ka don ha ka jingjngai, kaba tang 12 mer na katei ka Ri.

Ka Beijing, ka kam, ba ka la siat 11 tylli ki namding Dongfeng, na ka kad jhad iapom jong ka China, kaba don hajan ka nongbah Taipei. Kitei ki namding, kiba khlain bor bha, ki her ha ka haw haw, kaba hap ha Pingtan bad ka la pynmih ia ka tdem kaba lieh bad kaba khlain bor bha lem bad ka sur kaba khlain bor shi katdei.

Ka China, ka la pyni ruh ia ka dur, kaba pynshisha, ba ka siat ia kitei ki namding kiba khlain bor shikatdei.

Ka khubor jong ka People’s Liberation Army, ka iathuh ba katei ka jingsiat, ka dei ia ki namding, kiba lah ban her jngai, ha kaba la siat ha ki katto katne ki jaka, jong ka Taiwan Strait.

Na ka liang ka Japan, ka kam, ba ka China, ka siat bakla ia ki namding jongka, sha ka Exclusive Economic Zone (EEZ) bad U Vice Foreign Minister ka Japan, u Takeyoshi Mori, ula kynhied tyngeh ia ka China, ba ka leit pynhap ia ki 5 tylli ki namding jongka, sha u pud u sam ka Japan.