Siat iap u shipai BSF ialade

Tura,3 Rymphang:
Namar ka jingbun jingmut jingpyrkhat palat la ong ba u shipai BSF uba dang 27 snem karta u la siat iap ialade da ka suloi kaba u pyndonkam ha ka por ba u don hapoh ka kam. Utei u dei u shipai langrut uba la tip kyrteng kum Kamlesh Kumar Gujar na ka jylla Haryana bad uba trei ha khappud ha Kalaichar kaba don ha South West Garo Hills, u de u shipai 26 battalion ba don ha Praharinagar, shabar ka sor Tura.
Ka tyllong khubor na ki shipai BSF ki la iathuh ba katba u dang don duty ha Kalaichar BOP, u Kamlesh u la siat ialade ha ka por 10 baje mynstep da ka INSAS rifle kaba u bat bad la ong ba ka jingle jong u kumtei ka dei na ka daw ing daw sem.
La pynkit ia ka metiap jong u sha Tura Civil Hospital ban post mortem bad ha ki heh shipai ki la poi sha tei ka Hospital ban tohkit ia ka jingjia.