Siat iap u heh IPS ialade mar shu tip ba khlad ka kurim na ka jingshitom

Guwahati 18 Jylliew: U Siladitya Chetia u ba dei wei u heh pulit IPS na ka jylla Assam, u ba bat ia ka kam kum u secretary ka tnad kam pohing jong ka sorkar Assam, u la siat iap ialade da ka pistol mar shu ioh jingtip, ba ka kurim jong u ka la khlad noh ka ba la shah sumar kumba karto kattne por eiei.

Kane ka jingjia kadei ka ba la jia mynta ka sngi baar ka 18 tarik u Jylliew 2024, ha Guwahati. U chetia u dei ruh u IPS jong u snem 2009.

Katkum ki khubor ba la iohlum na Assam la iathuh, ba u tei u heh pulit u ka siat iap ialade ha ka kamra ICU ha ka hospital  ba ka kurim jong u ka la khlad noh.

Ki khubor ki iathuh ruh na u Chetia u la ling teng u SP jong ka Tinsukia bad ka Sonitpur District, bad Commant jong ka 4th Battalion Assam police hashwa ba un shah thung kum u secretary ka kam pohing ka sorkar Assam.

Shuh shuh la iathuh ba ka kurim jong u Chetia ka la don ka jingpang Brain tumour ha ki katto kattne bnai eiei.