Siat iap ki shipai Afghanistan, ia 143ngut ki ehrang Taliban ha ka shi sngi

KABUL: Ka jing ialeh thma, ka la nang jur hapdeng ki shipai ka Afghanistan pyrshah ia ki ehrang Taliban ha ki khyndiat sngi ba ladep.

Ki shipai Afganistan,ki kam ba ki la siat iap ia 143ngut ki ehrang Taliban, ha ki 24 kynta ba ladep bad nangta sa 121 ngut kiba la mynsaw jur, ha ka jinghiar khynra jong ki shipai sha ki jylla bapher jong katei ka Ri.

Ka khubor na ka liang ki shipai, ka iathuh ba kitei kiba shah siat iap bad kiba mynsaw, ki dei ha ka jing leit hiar thma, kaba ha Nangarhar, Kandahar, Herat, Ghor, Farah, Samangan, Helmand, Badakhshan & Kabul, ha ki 24 kynta ba ladep.

Ka jing ia kynad ha katei ka Ri, ka dei hadien ba ki shipai jong ka NATO, ki la mih no na katei ka Ri. Ka jingmih noh ki shipai America, ka dei hadien ka jing ia soi soskular hapdeng ka United States bad ki ehrang Taliban, ha Doha, ha u rymphang jong u snem ba ladep.