Siat iap ka GNLA ia ar ngut

Shillong,16 Nohprah:
Ka Garo National Liberation Army (GNLA) ha ka 13 tarik mynta u bnai ka la siat iap ia ar ngut ki briew kiba la donkti ban dawa pisa jubor ha kyrteng ka seng. Kitei ki ar ngut kiba la shah siat iap ki dei kiba la tip kyrteng kum u SemionMarak bad u Sangwai D Sangma , la siat iap ia ki ha ka shnong Meka A du kaba don hajan Gasuapata. U SP ka South Garo hills u Davis Marak u la iathuh ba ki pulit ki la rejistar case pyrsha ia ki kynhu lehnoh kiba donkti ha ka ban siat iap ia kitei ki ar ngut bad ki pulit Commando ki la pynlong ka jingkhynra ban lap ia ki dkhot ka GNLA kiba la donkti ha katei ka kam pyntriem. La ong ba kitei ki ar ngut kiba la shah siat iap ki la leit dawa pisa jubor ha ka kyrteng ka GNLA bad hadien ba ka seng ka la lap pyrshah ia ki ka la siat iap shisyndon ia ki.