Shillong: U Chief Executive Member ka KHADC, haba kren myn hynnin ka sngi, ha ka jingialang ha ïewduh u la ong ba ha ïewduh ki la don haduh 75 na ka shispah (75%) ki kynthei Khasi kiba ioh lok da u Muslim bad katei ka buh ia ka jaitbynriew hapdeng ka jingma kaba khraw. “75% ki kynthei Khasi ha ïewduh ki la ioh lok da u Muslim, kane ka dei ka thma kaba jar jar , ngin sa shah nguid, ngi la buh ia ka Trading Laisen, hynrei haba ngi wad khynra mih da ka kynthei Khasi ban ong ba u dei u lok jong ka, da kynmaw bha phi kiba die ia ka jaitbynriew lada phi ioh lok da u Muslim ka long kumba phi lah pynap lypa ia ka wait ha u ryndang jong u para shynrang jong phi” ong u bah Shylla ha ka jingkren paidbah sha ki nongrep ha ïewduh.
Ki nongiew kiba don ha ka jingialang ha Iewduh, ha ka Sngi Hat Majai:Rupang
Dei na kata ka daw u bah Shylla u la ong ba ka district Council ka la thaw ia ka aiñ shongkha khleh “Ka sorkar u Conrad ka dei ban mynjur ia ka Bill shongkha khleh ban khanglad ia ki kynthei Khasi ba nioh lok da kiwei pat ki jaitbynriew bad kiba leh pyrshah ia kata kin duh syndon ia ka jinglong Khasi jong ki” u la ong biang.
Shuh shuh u bah Shylla u la ong ba ka District council ka la thaw ruh ia ka ILP ban khanglad ia ka jingwan buhai shnong bad ka jingwan tuid ki bar jylla sha kane ka jylla bad ka sorkar ka dei ban mynjur ia katei ka bill. “Lada ka sorkar kam mynjur ia ka ILP ngin ia mih wat ban ia um snam ruh, lah ai ka bor ha ka District Council ban thaw ia ka ILP, ki nong India kim lah ban wan rung sha kane ka jylla lada kim don ia ka Permit, Ngin sa lum jingialang paidbah ha kine ki sngi ban wan, ngam tieng watla nga dei ban shah kem ruh namarba nga iohi ba ka jaitbynriew ka don hapdeng ka jingma, ka Garo hills ka lah leit, ngim kwah ba kane ka ri jong ngi hangne kan long kum ka Garo hills” pynkut u bah Shylla.