New Delhi: U Narendra Modi, myntri rangbahduh, u don mynta ia ka kali kaba dang thymmai tam, kaba la tip kyrteng da ka Mercedes-Maybach bad katei ka dei ka kali, kaba kham bha, na ka Range Rover Vogue bad ka Toyota Land Cruiser, kaba ula ju pyndonkam ha kine ki sngi.
U Modi, ula pyndonkam nyngkong ia katei ka kali Maybach S650 Guard, ha ka sien, ba u iakynduh ia U Vladimir Putin, President ka Russia, ha Hyderabad House ha ki khyndiat taiew ba ladep.
Katei ka kali Mercedes-Maybach S 650 Guard, ka dei kaba lah ban ai jingiada kaba khlain tam na kiwei pat ki kali bad ka lah ban iada na ka jingsiat kuli, na ka suloi AK-47.
Katei ka dei ka kali, kaba la pynmih iew ha u snem 2019 bad kam pat poi satia ha India bad ka dor jong kane ka kali, kan long kumba T.12 haduh T.15klur, khlem pat da khein ia ki khajna.
Katei ka kali, ka lah ban iada ruh ia ka jingbthei bom, kaba haduh 15 kilogram, na ka jingjngai kaba 2 metre bad katei ka kali, ka don ia ki jingkhang iit, kiba la tip kum ki polycarbonate.
Ka Mercedes-Maybach S 650 Guard, ka iaid da ka petrol, kaba 6.0-litre twin-turbo V12 engine, kaba trei kam hapdeng ka 516 bhp bad haduh ka 900 Nm of peak torque. Ka jingstet jong katei ka kali, ka dei haduh 160 kilometre ha ka shi kynta. Ka kali, ka don ruh sa ki taiar kiba lyngknap, ba kan iaid beit, lada ka don kano kano ka jingthut jong ki shaka, ha ka por, ba ka iaid ha surok.
U prime ministers ka ri India u dn hok ban thied kum kine ki kali hynrei balei pat fym buh ka juh ka jingkylli ia ki ministers ka Meghalaya katno tylli ki kali n jaka puta ki don n na ka tulop ministers ha state Meghalaya