Shwa ban rung sha ka jaka lehniam, dei ban dih shwa da ka umjung masi, ong u heh BJP

U heh BJP ha Indore, hynnin ka sngi, ula bthah ia ki nongialam jong ka jinglehniam ha Indore, ba kin pyndih shwa da ka umjung masi, ia baroh kito kiba leit sha ka jinglehniam Navratri, namar ba u shim, ba ki riewngeit hindu, kim ju kyntait satia ban phah dih umjung masi.

U Chintu Verma, President jong ka BJP, ha katei ka district, u shim, ba ka aachman, ka dei kaba donkam bha ha ka sanatan kolshor. “Ngi la kyrpad ia ki nongpyniaid, ba kin pyndih shwa da ka umjung masi, ia kito kiba mut ban rung sha ka rynsan lehniam” ula ong. Ka jingngeit jong ki hindu, ka long ba ka aachaman lane ka um khuid, ka long kaba donkam, haba leit sha ka jaka mane blei bad ban shim bynta ha ka jinglehniam.

U MP jong ka seng Congress, u Neelabh Shukla, u wohnia ia kane ka jingthmu, da kaba ong ba ki nongialam jong katei ka seng, kim ju ri ju sumar satia ia ki masi, hynrei, ki shu thaw ishu politiks.