Shwa ban buh tarik elekshon, hiar shuki U Election Commissioner ka India

New Delhi: Ha shwa ban pynbna ia ki tarik ka elekshon MP, ha kylleng ka India; hynrei U Arun Goel, uwei na ki Election Commissioner, ula iehnoh ia katei ka kam jongu, hynnin ka sngi saitjain. La pdiang ia ka shithi iehnoh kam jongu, da ka President ka Ri, ka Droupadi Murmu. U Arun Goel, u don bynta bha, ha kaba pynkhreh ia ka elekshon Lok Sabha 2024 bad mynta, da ka jingiehnoh kam jng U Goel, kumta, ia ka kam pyniaid elekshon, yn hap ban kitkhlieh hi marwei, da U Rajiv Kumar, Chief Election Commissioner.

U Arun Goel, u dei u IAS barim jong ka Punjab cadre bad u shimti ia katei ka kam, kum U Election Commissioner, ha ka 21tarik Naiwieng 2022 bad u dei ban kut, ka por treikam jongu ha u snem 2027.