Ha shwa ba un shimti ia ka kyrdan kum u hehduh ki ehrang Hezbollah, hynrei ki shipai Israel, ki la ioh ban pyniap noh shwa ia utei u heh jong katei ka kynhun ehrang, ha ka krem kaba u shong riehtngen ialade.
Ka Israel, ka pynthikna, ba ka la ioh ban siat iap ia U Hashem Safieddine, ha kawei na ki jinghiar thma jongka, ha ki khyndiat taiew ba ladep ha ki bynta ba shathie jong ka Beirut.
U Safieddine, u dei uwei na ki riew niam, uba la niew burom bha, da ki ehrang Hezbollah, u dei ban shimti ia ka kyrdan jong u bakha jongu, U Hassan Nasrallah, ula shah siat iap, ha ka 27tarik Nailur 2024.
Ki shipai Israel Defence Forces (IDF), ki iathuh hynnin ka sngi, ba ki la ioh ban siat iap ia U Safieddine, ha ka jinghiar thma jongki, ha ka 8tarik Risaw 2024 ha ki bynta ba shathie jong ka Beirut. Ha ryngkat jongu, ki la ioh ruh ban pyniap ia 25ngut ki nongialam jong ki Hezbollah, ong ka khubor bad kitei ki kynthup ia u Ali Hussein Hazima, uba peit ia ka tnat syntiat jong ki Hezbollah.
Phi don ban ong eiei?