Shillong: Ka Khasi Students’ Union Shnongpdeng Unit lyngba kane ka kyrwoh ka phah sha ki bor ba dei peit ia u Surok Darrang – Shnongpdeng, namar haduh mynta ym shym ladon kano kano ka jingpynkhreh ban shna ne siang rong noh la shu wan buh tang ka signboard PMGSY harud surok.
Ka surok haduh mynta kat nang mih ki sngi ka la nang sniew nangjot bad ki kali ba iaid ruh ki la shem shitom namar ym don peit. Ha ka jingshisha u nongtrei ia kane ka surok ula dei ban pynpoi noh ia ki tiar ki tar ban sdang noh ia ka jingtrei hynrei haduh mynta ym iohi iano iano ban pyni ki dak ki shin ban sdang trei.
Ha ka jingiakren bad u Executive Engineer ka PWD Jowai (South) u ong ba lah dei ban trei noh kloi ia kane ka surok, khamtam mynta ki por dang duna ki kali tourist ba iaid sha kane ka thain kan kham suk ka rukom trei. Ka Seng ka dawa jur ba dei ban trei noh mar mar ia une u surok khnang ba ki paidbah sha kane ka thain kin suk khamtam kito kiba pang ba shitom kin poi kloi sha ki jaka ai jingsumar. Ka Seng lyngba kane ka phah ruh sha u Contractor ba ioh ban trei ia kane ka surok ruh ba u dei ban wan trei noh ne phah noh ia ki nongtrei khnang ba ka kam ka jam kan iaid beit iaid ryntih, ong ka kyrwoh na u President Samla Kindly Khyriem.
Phi don ban ong eiei?