Shri iam sa ki nong khaii ksiar, ba sangah ka custom duty bad ka GST

Kolkata: Ka la poi sa ka kordit jong ki nongshna ksiar, ha kaba ka seng jong ki nong shna ksiar lane kaba la tip kum ka All India Gem and Jewellery Domestic Council, ka ud jur halor ka jingrem dor than jong ka bai siew GST ia ki maw kordor kiba hap thied na shabar ri.

Ha ka jing pynmih khubor mynta ka sngi, la pyn kynmaw ba ka ha ka mang pisa jong u snem 2019-20, la pyni ba ka custom duty ia ka ksiar, ka long 10 haduh 12.5 percent, katba ka GST, ka long lai percent, na kaba ju long mynshwa shi percent ha ka por jong ka VAT.

“Ka don ka jinghiar jur jong ka jingthied ksiar ha kine ki sngi bad ki don da ki hajar ngut ki nongshna ksiar, kiba la dei ban duh kam duh jam noh ha ki sngi ki ban sa wan” ong U Vice-Chairman jong katei ka council, U Shaankar Sen. U Sen, u ong ba ka jingkiew dor ka custom duty bad ka GST, ka la ktah jur ia ki nongthied ksiar, namar ba ka dor jong ka ksiar, ka la nang remdor shi katdei.

U Sen, u ong ba ka custom duty, ka dei ban hair na ka 12.5 percent sha ka 10 percent bad ka GST, ka dei ban long shi percent. La dawa ruh ba haba thied ksiar, ka donkam ban pyni ia ka pan card, tangba lada ka la palat ia ka T.5lak, na kaba ju long mynta T.2lak.