Shillong: Ka jingialehkai basketball kaba ai kyrteng ka All Star Event ba pynlong da ka Tyllilang Basketball Academy ka la kut ha kane ka 12 tarik Kyllalyngkot.
Ha ka jingiakhun, u Ved Prakash Singh u la long u nongjop ha ka Three Point Contest katba ka Shooting Star Challenge la ioh da ka Rilang, Effie bad ka Nash.
Ha ka Woman’s All Star Game, ka Team Iairi ka la pynliem ia ka Team Yolinda. Ha ka Mens All Star Game, ka Team Tori ka la shah pynliem ha ka Team Rilang.
Ha ka jingiakhun haka 14 tarik, jong ki kynthei, ka Shakina Academy ka la pynlilem ia ka Touchline Basketball Academy da 52-15 point.
Ka Tyllilang Basketball Academy ka la pynliem ia ka Jaguars da 47-25 point. Nangta ka Tynrai ka la pynliem ia ka Coterie da 41-36 point.
Ha ka jingialehkai ki shynrang, jong ka quarter phainal, ka Tyllilang Basketball Academy ka la pynliem ia ka Rangjanai S.C.C. da 56-34 point.
Ha kawei ka jingialehkai, ka Touchline Basketball Academy ka la pynliem ia ka Oregon Grizzlys da 68-56 point.
Ka jingialehkai quarter phainal jong ki kynthei, kan long ha ka 18 tarik Kyllalyngkot, katba ka semi phainal kan long ha ka19 tarik.
Ka jingiaknieh ia ka nam lahduh jong ki kynthei, kan long ha ka 22 tarik por 2 pm.
Ka jingialehkai semi phainal jong ki shynrang kan long ha ka 17 tarik bad ka phainal kan long ha ka 22 tarik por 4 pm.