Shongshit ka Election Rangbah Shnong ha Pamrakmai

Jowai, 24 Jymmang:
Ka Elekshon, kaba la pyniaid da u Dolloi ka Elaka Jowai ha ryngkat ki sahep na District Council na ka bynta ban jied ia u Rangbah Shnong ba thymmai ha ka shnong Pamrakmai ka la long kaba shongshit bha mynta ka sngi.Ha katei ka Election ki la don haduh 3 ngut ki kyrtong na ka bynta ki palat 700 ngut ki nongthep vote. Ha ka jingiathep vote kaba la pynlong da ka secret ballot, u ma Lucas M Shylla u rangbah Shnong, u la jop biang da kaba tam tang da 53 vote ia u ma Liyo Dkhar uba la ioh 249 votes. U ma Archie Siangshai, uba dei ruh u rangbah shnong ba mynshwa, u la ioh tang da 72 votes.
Ka Election ka la long kaba iaid beit iaid ryntih bad u Dolloi u la pynbna ia u ma Lucas M Shylla kum u nongjop bad u Rangbah Shnong katei ka shnong.
Na ka liang u Waheh Shnong (Rangbah Shnong), u ma Lucas kyrkieh u la lum ia ka dorbar ban jied pat ia ka kynhun trei kam shnong jong u ha kaba la jied ia u Thiej Dkhar kum u Deputy Waheh Shnong bad ia u Kworly RYmbai kum u Lamphang lane shongknor (Chairman) bad ia u Iaikiewbha Rymbai kum u General Secretary ha ryngkat u Almeki Shylla kum u Asst. General Secretary. La jied ruh ia u ma Shaintre Siangshai kum u nongbat ia ka pisa tyngka jong ka shnong ha ryngkat 11 ngut ki Executive Member.