New Delhi: Ka jingialehkai jong ka lympung Baby League ha jylla Kashmir ka shongshit bha wat haba ka madan ka tap da ka ior lieh. Kane ka jaka kam dei kaba jngai na ka madan ba ka madan TRC ha kaba ka Real Kashmir ka ialehkai ha kane ka I-league.
Ki don 3 tylli ki Baby League ba kynthup ia ka Kashmir United Baby League (Srinagar), Snow Etihad Baby League (Pulwama), bad ka Ladakh Baby League (Leh).
“Ka Baby League ha Kashmir ki la iarap ia ki khynnah ban ioh iadon bynta bad ban ialehkai ha kine ki sngi. Ha nga ka phutbol ka iarap ia ki khynnah ban pynlut por bad ruh ban pynlait na kiei kiei ki jingsniew,” la ong u Regional Development Officer ka AIFF u Bilal Ahmed Punjabi.
Ki don 711 ngut ki khynnah kiba iashim bynta ha kane ka lympung kiba iashim bynta ha ki lai tylli ki Baby League.
Phi don ban ong eiei?