Shongkun ka lehniam ha Iew-Bakur

Shillong, 15 Naiwieng:
Ka lehñiam Iew-Bakur (Dawki) jong ka Lamin Durbar Shnong kaba ju long shisien shisnem, la long la pynlong ha ka 12 tarik Naiwieng, 2016. Ha kane ka sngi, ka jingleh niam ka long shongkun, ha kaba na kylleng ki khun ki raiot ki la wan sha katei ka Iew-Bakur (Dawki).
U General secretary ka Lamin Durbar Shnong u Bah T Khonglah ha ka kyrwoh u la ong ba katei ka iew ka long kawei na ki iew kaba heh bad ba rim tam hapoh War Jaiñtia bad ha katei ka jinglehñiam la pynïaid da ka Lamin Durbar Shnong ha ryngkat ka Kñia ka Khriam kaba la sdang naduh mynstep na ka jaka Lehñiam hapdeng jong ka Iew, ha kaba la pynkut pat ha Basa Kwai ha ka por nohphai sngi.
U la ong ba ka Dorbar kala pynlong ruh ïa ka jingduwai bad jingainguh kyrpang na ka bynta ka bha ka miat ka iew ka hat, ban kiew ka kamai kajih bad ban ïaid beit ïaidryntih ka synshar ka khadar hapoh ka shnong ka thaw hi baroh kawei.
Ha katei ka sngi la ïadonlang u Doloi jong ka Elaka Nongtalang, Bah C. Pohlynjar bad ki Riew rangbah jong ki shnong pynkut ka kyrwoh na u Bah Khonglah.