Shongkun ka jingiakop mareh ba la pynlong da ka ophis u DSO bad DC ha Ri Bhoi

Nongpoh: Ka jingiakop mareh kaba la pynlong da ka ophis treikam jong ka Deputy Commissioner bad District Sport Officer, Ri-Bhoi District, Nongpoh, ka la long kaba ishongkun bha, namar ha katei ka jingiakop ki la don bun ki khun samla kynthei bad shynrang na ki jaka bapher bapher ka dong Ri Bhoi, ki la wan ban iashimbynta.

Katei ka jingiakop mareh, kaba la tip kum ka “Run for Peace” kaba dei ruh kum ka dak ban rakhe ia ka Rashtriya Ekta Diwas (National Unity Day) 2019 bad katei ka jingiakop mareh ka dei ka (open category) ia ki Kynthei bad Shynrang,

Katei ka jingiakop mareh ka la sdang naduh ka por 7 baje mynstep, kata na Saiden Indoor Stadium bad pynkut ha NSCA Indoor Stadium, Umlyngkdait.
Kiba la sakhi lang ha katei ka jingiakop mareh, ki kynthup ia ka Kong D. Phawa, ADC ka Ri Bhoi, u Bah PM Marbaniang, DSO ka Ri Bhoi lem bad kiwei kiwei.
Haba phai sha ki nongjop, u Skhemlang Suba u la ioh ia ka kyrdan kaba nyngkong bad ka Ritina Hanse ka la wan ha ka kyrdan kaba nyngkong ha ka liang ki kynthei, lyngba katei ka jingiakop mareh, la sam ruh ia ki khusnam kyrpang na bynta jong kito ki Nongiamareh ba Rangbah tam bad Barit tam ha ki Shynrang bad Kynthei.