Shongdor phew lak tyngka, ha ka jingshah thombor, ong U Bah Michael

Shilong: U Bah Michael Warjri u ba dei u Secretary ka Hima Nongspung, ha ka jingiakren bad u Rupang myn hynnin ka sngi,u la ongba ka jingduh jing julor ha ka jingshah thombor myn haka 7 tarik Jymmang mynta u snem ka la poi da ki phew lak tyngka,namar tang ka ing ka ka lut hynriew lak tyngka,kawei ka kali ba saw lak shiteng,ar tylli ki Kor Komputar ki shongdor phraphew hajar tyngka,ar tylli ki Laptop ki shong dor lai phew hajar tyngka,ka solar light ba hynniew hajar tyngka,ka LPG Gas ka shongdor phra hajar tyngka bad ki jain kinep ki tiar ki tar bym nang shuh ban khein.
U la ong ba mynta u shong ha Shillong bad ka khun jong u, namar ka iing hangtei ha Balakhawa kam long shuh.
“Kumno ngan shong ngan sah hangtei haba ka iing ka la pra lut ngan shong bad I khun jongnga ha Shillong,”la iathuh u ne u Rangbah.
U la iathuh ruh ba u la shong ha poh along Assam haduh shi taiew kynthih,ryngkat bad ka jingshitom ha kamet na kaba u shah bom ha ki paitbhur ha katei ka sngi.
Shuh shuh, halor ka jingkynnoh da u Syiem ka Hima Nongspung ba la leh marwei da ma u,u la iathuh ba um shym la leh marwei kumba la kynnoh ha kaba ai jaka ia ka Assam ban shna iaka surok ha Balakhawa, hynrei ryngkat bad u Syiem Hima Nongspung .
Kum ban shu pynkynmaw,ka jingjia shah thombor jong u Bah Michael Warjri U Secretary ka Hima Nongspung ryngkat ka iing jong u,ki tiar kitar,ki jingthung jingtep bad ka Ambulance ha ki paitbhur ha New Balakhawa ka la jia haka 7tarik Jymmang,2019 namar ka jing bym ailad jong u ia ka Assam ban wan tih ia u surok haka jaka Meghalaya ba hap hapoh ka Hima Nongspung.