Shillong: Ka jingialehkai ki heprit ka Baby League ka shong shit bha ha Tura kaba long ha kane ka sngi Saitjain.
Ki kynhun ba iakhun ha kane ka sngi ki long Bosco Hornbills, Chipakkore FC Dolphins, Sherwood School Tigers, Modynagar SCC Wolves, BBFS-WI Dragons bad ka Ka’grak Dobasipara Leopards. Ia ki jingialehkai la pyllong ha Don Bosco Higher Secondary School.
Kane ka dei ka jingsdang ka jingialehkai ha Tura katba sha kiwei ki jaka la dep sdang naduh kham mynshwa ba kynthup ia ka Smit, Mawphlang, bad Shillong.
Ha kane ka sngi la don lang ki riew pawkhmat ka thain kiba air uh ka jingkren kynthup ia u Co-Chairman ka Meghalaya State Planning Board u Billykid A Sangma, u Jasper P Marak, u Assistant Director ka Sports and Youth Affairs bad ruh u Vice-President ka Meghalaya Football Association u Gino A Sangma.
Phi don ban ong eiei?