Shong pyrkhat 73ngut ki Principal bad U VC NEHU, na bynta ka NEP

Shillong:Ka skulbah North Eastern Hill University (NEHU) ka la pynlong ia ka jing ialang jong ki Principal bad ka jingthmu ban pyntreikam noh ia ka NEP 2020 hapoh ka skulbah.

Haba kren sha ki ladpathai khubor, na ka liang u Vicechancellor jong ka skulbah ha ka 19 naitung 2023, ba ka skulbah NEHU ka la pynlong ia ka jingialang jong ki Vice Chancellor, ka jing pyntreikam ia ka NEP 2020 bad ki principal jong ki kolej bapher bapher kiba pyniasoh bad ka skulbah NEHU ban iathir ia ki mat bad ka jing sngewkhia haba iadei bad ka jingthmu pyntreikam ia ka National Education Policy (NEP-2020).

Ha ka jingialang ba la pyniaid da u Vice chancellor jong kane ka skulbah u Prof Prabhas Shankar Shukla, la wan ban shimbynta lang da ki Principal jong ki 73 tylli ki kolej kiba don hapoh ka jylla.
Na ka liang jong ka kynhun ban pyntreikam ia ka NEP 2020 jong ka skulbah NEHU la wan ban don lang da ka Prof Sherwin May Sungoh, Prof G.Bez bad Dr Dinesh Bhatia.
U nongpyniaid ia ka eksamin, u Col Omkar Singh bad u Debashish Chowdhury, ODS jong ka kolej kiba la don lang ha kane ka sngi ban shah shkor ia ki jingkylli jong ki principal ki kolej ba pyniasoh bad ka NEHU.
Ha kane ka jingialang la iatai bniah bad jylliew bha haba iadei ba kumno, yn pyntreikam ia ka NEP-2020, naduh ki syllabus, ki academic Bank of credit,skill enhancement bad kiwei pat.

Na ka liang ki Principal ki la rah ia kiba bun ki mat ba ki sngewkhia, haba iadei bad ka jingpyntreikam ia ka NEP-2020, namar ka dang bun bha ka jingduna bad ka jingdonkam ban ioh jinghikai kaba bniah.
Na ka liang u Vice Chancellor, u la pyntikna ba ka NEHU kan sa pynbiang ia baroh ki jingdonkam jong ki kolej haba iadei bad ka jingpyntreikam ia ka NEP 2020 ba kan long kaba jop.
Ka la don ruh ka jingkylli haba iadei bad kito ki kolej ki bym don satia ia kito ki courses, hynrei ka NEP-2020 pat ka bthah ba dei ban pynrung beit ia kine ki courses, ha kaba na ka liang jong u OSD jong ka skulbah NEHU, u la pynshai ba kine ki kolej ki dei ban pyniasoh, shwa ia kine ki courses kiba kim pat don ha kaba na ka liang jong ka skulbah kan sa leit ban jngoh bad pynrung ia kitei ki sobjek.

Ki la pynshai ruh haba iadei bad ki jing sngewthuh bakla hapdeng ki Minor bad Major courses, ha kaba ka jingpule Under-graduate kan dei saw snem la iatai bniah.
Ki khynnah pule ki lah ruh ban jied bad iehnoh ia ka jing pule ha man la ba kut ka snem, lyngba kiba bun ki lad ban mih bad rung.
Ki samla pule kiba kwah ban sahngeh noh ka jingpule hadien shisnem ki lah ban ioh certificate, ki Diploma hadien ar snem bad ki degree hadien lai snem, katba ki samla pule pat kiba pyndep ia ka Degree ba saw snem kin ioh ia ka sertiphiket ha ryngkat ka jingwadbniah.

Ki Principal jong ki kolej ki la tyrwa ruh ia ka internship, ha kaba u Vice chancellor u la pynshai ba ka NEP -2020 ka long ban pynlong ia ki samla ba don sap ha baroh ki bynta jong ka jingpule bad ka internship ka dei kawei na ki bynta jong kane ka jingiohi jngai halor kane ka rukom hikai ba thymmai.
Ki kolej ki dei ban shimkhia ia baroh ki skillful Development center, naduh ki karkhana, ki enterprise kaba lah ban ai internship ia ki samla.

Ka komiti ka la iakren ruh ia ka jingeh jong ki nonghikai ka bym don satia ka jing tista bad bud ryntih, ha kaba la pynpaw ba ka long kaba donkam ban tyrwa noh ia ki course, kum ka MDCs bad SECs ka ban ym ktah than ia ka jingdon briew.
Kane kan ailad ia ki kolej ban kin tei ia ka jingbun jong ki ki courses ka ban ai sha ki samla pule lyngba ki lad ki ban don ki sap bad ki jingtip kaba ki donkam, la ong ka prof Sungoh.

Haka ba kut jong ka jingialang baroh ki Principal jong ki kolej ki la kubur ba ka New education policy ka dei ka jing donkam jong ka por, ha kaba kin ialeh katba lah ban pynlong kaba jop.
Ki Principal jong ki kolej bapher bapher ki la pynpaw ruh ka jingsngewhun hi jrut ia ki juban ba ki la ioh, haba iadei bad ki jingkylli ba ki lah rah, ha kaba na ka liang jong u Vice chancellor u la ai khublei ia ki Principal jong ki kolej bapher bapher kiba la shim ka jingkular ban btin lynti bad iarap haba iadei bad ka jingpyntreikam ia ka New Education Policy (NEP -2020.