Ki seng bapher, ki la pynlong ia ka jingshong kyrain mynta ka sngi ha ka nongbah Guwahati, halor ka jingshah shoh jong uwei U Muslim, ha Biswanath (Assam).
U Shaukat Ali, ula shah pynbor ban bam ia ka doh sniang, kaba dei ka doh kaba la khang ia ki Muslim ban bam.
U Shaukat Ali, u dei uba shong ba sah ha Assam, la sawphew snem ka rta bad u don ia ka dukan ja, ha kaba ka jyntah doh masi, ka dei kaba u da shet bang bha, hynrei U Ali, ula shah shoh ha ban da jem bad ia ka dukan jongu, la pynjot pynpra da ki riew runar ha Biswanath district.
Katei ka jingjia, ka la paw shabar, haba la pyni paidbah ia ia video halor ka jingshah leh niewbein, U Ali, uba 63snem ka rta. La pyni ba la ker sawdong ia U Ali, da ki 25-30ngut ki briew bad la iohi ha kawei ka dur, ba la pynbam im ia ka dohsniang, ha kaba la hukum bad ong “Bam im ia kato ka doh bad nguid tylli ia ka”.
U Ali, u dang im ha ka jingsyier mynsiem ha kine ki sngi, ha katei ka jaka, kaba ula im la 35snem kynthih bad u iathuh ba wat hadien lai sngi, ba ula shah shoh shah bom, hynrei ki dang don sa 15ngut ki samla shynrang, kiba dang leit wad ia ka doh masi, kaba u buh ha katei ka dukan.
Phi don ban ong eiei?