Jowai, 16 ’lyngkot:
Ka Meghalaya People United Front (MPUF) mynta ka sngi ka la pynlong ia ka jingiashong kyllain kyrain ba jai jai ba phyllaw DC Ophis, Jowai ban bteng ia ka jingpyr-shah, da kaba shah thngan; halor ka rai jong ka sorkar ban pynkynriah kam ia u Deputy Commissioner ka West Jaiñtia Hills District, u Arunkumar Kembhavi.
Katto katne ki riew paidbah na kylleng ki la wan ban ia shim bynta ha katei ka jingiakhih ka MPUF.Ka MPUF ka la pynpaw iaka jingsngew-khia halor ka jingdon ki riew khwan myntoi shimet khamtam ki nongmih-khmat ki bym lah ban iaishah iaka rukom treikam jong u DC. Ka seng ka la kyntu ia ki paidbah ban ai ia ka jingiasnohkti lang halor kane.
Halor kane ka jingiakhih, la wan ban kyrshan da u Rangbah Shnong ka Psiar na Block I, u ma M Synnah ha kaba u la ong ba rukom treikam jong u DC ka WJH kadei kaba dei ban iaroh shisha. Udei u briew uba iohi jngai ia ka bha ka miat jong ka imlang ka sahlang.”Une u DC u la shim khia shi katdei eh ia ki jingdonkam ka thain Block I khamtam halor ka jingkieng Kurliya”, la ong utei u Rangbah Shnong.
Ka kong Poikyrdang Suchiang President Seng Manbei Nongkynrih, ka la iathuh ba ia ka skhim bylla 100 sngi kaba ki nongshong shnong jong katei ka shnong ka la duh ia ka hok ban pyntrei la kumba 3 ne 4 snem, hynrei da ka jinglah jong u DC ki paid nongshnong shnong kila ioh biang ka hok ban pyntrei ia katei ka skhim hapoh poh shnong poh thaw.
Ki bun bah ki jingiaroh ia une u DC, hynrei tang kawei ka daw ba u la shah pynkynriah kam ka long imat ba ki nongmihkhmat na rilum Jaintia ki duh ia la ka jingmyntoi shimet, la pynpaw kito kiba pynrem ia ka rai ban kynriah kam ia u DC ka WJH
Phi don ban ong eiei?