Shong kyllain myngngor, ki nonghikai Adhoc ka thain Amlarem

Shillong: Ki Nonghikai Adhoc ki ba kynthup ia ki Nonghikai LP ,UP ,Secondary bad Hr.Secondary School ki ba hap ha Amlarem Subdivision ha ka Lama jong ka Federation of All School Teachers Of Meghalaya (FASTOM) ki la pynlong ia ka jingshong kyrain, hynnin ka sngi 28.04.2022 ha Amlarem; naduh 10.00 AM haduh 3.00 PM, ha kaba la wan ia shim bynta da kumba 150 ngut ki Nonghikai bad kane ka jingiakhih kan dang iai bteng haduh mynta ka sngi, ka 29.04.2022.

Kum ban shu pynkynmaw,la pynlong ia ka ne ka jingiakhih ban pynbor ia ka sorkar ban upgrade lane Enhance noh ia ka salary ki Nonghikai skul Adhoc Naduh LP haduh Hr.Secondary school. Ki nongialam ka FASTOM na kane ka thain, ki la kyrpad ia ka sorkar ban peit lem ia ki jingeh jongki bad ki la kyntu kyrpang ruh ia u Education Minister u ba dei u MLA ka thain ba un phai lem bad ban peit ia ki jingeh jongki Nonghikai ha ka jylla baroh kawei.Ki nongialam ki la ong ruh ba kum ki nonghikai kim banse ban mih sha duh surok ban dawa ia ka hok. Ki nongialam ki la kyntu ruh ia baroh ki nonghikai ban long ki ba iatylli bad ban ia mih biang sa mynta ka sngi(29.04.2022) ha kane ka juh ka jaka.