Shong dor T.1200 shi kilo u sohmynken khnai ha Iewduh

Shillong 29 K’ lyngkot:
Usohmynken khnai mynta u la kiew dor sha ka T.1200 shi kilo ha iewduh. Une u sohmyn ken u dang shu kiew dor ha une u bnai ba la dep. Mynshwa, u shong dor T. 800 shi kilo, la ong iwei I nongdie ha Iewduh haba iakren ha kane ka sngi Balang bad u nongthoh khubor.
Ia une u sohmyn ken, la wanrah na thain ri them Bhoi bad thain Ri war. Ka jingrem dor jong une u sohmynken ka dei namar ba ha kine ki bnai, ka por mih jong u, ka la kut. “Ha u bnai Naiwieng, Nohprah, la kheit ia une u sohmynken bad ha katei ka por ka dor ka kham hiar”, la ong iwei I nongdie.
Ia une u jait sohmynken uba rit hynrei uba sat bha, la pyndonkam da ki briew ban bam, ban pdem ashar bad kiwei ki jingdonkam. Don kiba dung tylliat hadien ba la thad bad la pyndonkam ban tah jingbam.
Ha Iewduh ruh, ki don tang katto katne ki dukan, kiba die bad ka daw, ka long ba u duna ban ioh ha kine kip or mynta.
“Ngi die shi pawa T. 3 spah, bad shi kilo ka long T. 12 spah”, la ong I kong ba die.