Shong da ka bos NEHU, ka bai bos ar tyngka shisngi ia ki samla pule

Shillong: Myn hynnin ka sngi ha ka jingiakren u Rupang bad u Bah B.Shylla u Asstt. Registrar ka NEHU, u la iathuh ba ka skul bah ba la tip lyngkot ka NEHU ka ju shim tang 600 tyngka shisnem na uwei uwei u khynnah skul naduh ka kyrdan degree shaneng, bad 200 tyngka shibnai iaki khynnah klas 12 shapoh ter ter khlem da khein ia kiba jan tam ne iaki ba jngai tam,hynrei baroh ki ki ioh bynta lang iaka juh ka dor.
Shuh shuh,la iathuh ba ki bos ki don ar jait,kawei kadei ba la tip da ka Kendra Vidyalaya kaba dei naka Central Scheme bad kane ka kit iaki khynnah skul ba hapoh ka klas 12,bad kawei pat kadei ka University Bus kaba kit iaki khynnah skul naduh kyrdan Degree shaneng bad baroh ki bos ki don kumba 18 tylli.
La ioh jingtip ruh ba kine ki bus jong ka skul bah NEHU ki ju leit shaw bad buh iaki khynnah sha ki thain bapher bapher jong ka nongbah kynthup naduh Laitumkhrah,Nongthymmai,Rynjah,Laban, Mawlai Mawiong ,Mawkynroh,shaduh 7mer Upper Shillong bad kiwei kiwei de ki jaka,ha kaba kajingdon ki khynnah ba ki ne ki 18 tylli ki bos ki shakri ka long kumba 400 ngut tam ki khynnah skul hapoh ka klas 12,bad haduh kumba 5127 ngut(katkum ka jingkhein jong u snem 2018-2019) ki khynnah skul naduh ka kyrdan Degree shaneng.
Halor katei ka jingiohlum,u Rupang haba u pyrshang ban pynshongdor ,la shem ba ka dor bai kali ia uwei uwei u khynnah skul ka long tang 6 tyngka shi sngi ia kiba hapoh ka klas 12,bad ka shongdor tang 2 tyngka duna ia kiba pule degree shaneng.