Shillong:Ki nongwan peit ia ka Phlim INAMORATO, ka phlim ka ban neh sa tang lai sngi kata naduh lashai ka sngi 27 tarik haduh 29 tarik mynta u bnai ki la ong ba kane ka phlim ka pynshoh jingmut bha ia ki, halor ka bynta ka jinghap trei bylla ki khynnah kiba dangrit ka rta bad ruh ka bynta ba shah maham bad shah tim ka long kmie haba u kpa u wan ing da ka jingbuaid bad shoh bad bom ia ka ka jong ka lok bad kynjat ruh ia ka pliang ja jong ki khun.
Haba phai sha ki nong iashim bynta, ka dei ka samla Nancy Kharsati, kaba shim ia ka bynta jong ka Puron, kaba la pyndep ia ka Civil Enginering na Bangalore bad ka dei kaba na Bhoi Rymbong bad ka sumbud Puron, dei ka samla Jenny Lyngdoh, kaba na Mawkyrwat. Kitei ki la pynpaw ba kane ka phlim kalong kaba kit jingmut haduh katta katta halor ka nongrim jong ka bynta ba kongsan jong ki Kynthei ha ka imlang sahlang ha ka juk mynta. Kumta ki la kyrpad jur ia baroh ki paradoh parasnam ban wan kyrshan ia kane ka phlim ha Bijou naduh lashai ka sngi haduh ka sngi Palei bad ki la ong ka jingwan kyrshan jong ki paidbah, kan ai mynsien ha kaba ki lah ban nangkiew shaphrang ha ka ban kyntiew shuh ia ka sap kaba ki don bad ia baroh ki samla ba don sap.
