Shillong, 12 Naitung: Ka jing pyn trei kam ka KHADC ia ka skhim Wahum khrah kaba T.1.35 klur tyngka ka la ong kab ai thamula ha kaba la kynnoh ba na katei ka skhim la shna pynban da ka madan ialehkai Basket ball bad katei ka la jia ha ka shnong Mawlai Nongpdeng.
U bah K.W Chyne Rangbah Shnong katei ka shnong u la iathuh ba ka Mawlai Nongpdeng ka la io jingiarap T.2, 49,759 tyngka ban shna ia ki jingtei ha katei ka lyngba ka shkhim Wahumhkrah hynrei nalor katei ka jingpynlut ruh u la ong ba ki don sa 13 tylli ki jingtrei kiba ka shnong kam don jingtip eiei. U la ong ba u shu iohi ba la pyntrei ka madan Basket Ball bad u la ong ba um tip mano ba pyntrei namarba ym shym lapan jingbit na ka bor shnong.
Katkum ka Right To Information (RTI) ba la ioh lum la iathuh ba nalor ka T.2.49 lak ba ka Dorbar Shnong Mawlai Nongpdeng ka la ioh, ki don sa 13 tylli ki skhim kiba la pynrung ha katei ka shnong kaba la kot palat T. 32,63, 801 lak khlem ka jingtip jong ka shnong.
“Nga pynpaw ka jingsngewsih ba kumno ka KHADC ka wan ban shna ia ki nala kam shym la pan jingbit na ka shnong kane ka dei ka jingbym burom ia ki Dorbar Shnong, kumta nga dawa na ka KHADC ba ka dei ban ai jong ka jingpynshai balei ki kiar na ki Dorbar Shnong” u la ong.
Katkum ka RTI la pyni ba ka jingshna ia ka kynroh bad ker ia ka Indoor stadium Mawlai Nongpdeng hajan Wahumkhrah la mang mar T.2,99, 813 lak na bynta ki sawngut ki kontractor bad na ka bynta ki ar ngut ki kontraktor pat la mang pisa sa mar T.1,49,446 lak.
La shna ruh ia ka nala ban iada ia ka Basketball Court ha jinglut T.2,49,923 lak. Nangta ban shna ia ka nala bad ki paip ban pyntuid ia ki jaboh ha Wah umkhrah kaba dei ha Mawlai Nongpdeng ha ka jinglut kaba T.8,68,049 lak bad kiwei kiwei de kiba la shna thik ha ka juh ka jaka hynrei la shu pyniapher ia ka skhim bad ki kyrteng ki kontraktor.
Phi don ban ong eiei?