| Shillong:Ban khring ia ki nongwan jngohkai pyrthei bad ia ki riew ieid syntiew na kylleng ka jylla Meghalaya bad na shabar jong ka jylla ruh kumjh, ka Institute of Bio-resources and Sustainable Development, u Prof. Dinabandhu Sahoo, u la iathuh ba kane ka Orchidarium kadon haduh 6 hajar square feet, bad ka jingshna jong ka Institute of Bio-resources and Sustainable Development ka long ruh kum shi bynta ban plie ia ka lad iohkam iohjam na ka bynta ki samla kiba angnud ban khaii bad pyniaid iew ia ki syntiew da kaba thied ia ki symbai syntiew na kane ka jaka. Wat la ia kane ka Orchidarium ym pat lah ban shna pyndep pura, hynrei ki riewieit syntiew na kylleng ka jaka, ki la wan jngohkai bad shondur ruhkat mon hapoh kane kajaka. Kane ka dei ka jaka thung syntiew dieng kaba la pyntrei kam ia ki tiar ba dei ha ki por ba mynta (Modern technology) ka ba hadien ka jingsei soh jong kine ki syntiew ha Manipur bad mynta ki la pyndonkam sa ha Meghalaya. Kane ka long ruh ka jaka thung syntiew ka ba heh ha ka Jylla. |
WhatsApp Chat with Rilin – [email protected] – Gmail
Phi don ban ong eiei?