Shna jingkieng ka Mawroh, ia ki nongsait jain

Shillong, 29 Naiwieng:
Ka Dorbar Shnong Mawlai Mawroh ha ka sngi Saitjaiñ ka la plie ia ka lynti ïaid kjat bad ka jingkieng ban pynsuk ia ki longkmie ba iaid ban kit ia ki jain ban leit sait bylla sha ka wah kaba don ha katei ka shnong.
Ka Dorbar Shnong ka la shim ruh ia ki lad ki lynti ban iada ban pynneh ia katei ka wah duid ha ka shnong.
“Nalor ka lynti ïaid kjat, ka shnong kan ai jingiada ïa ka tyllong um bad ïa ka jinglong jyrngam sawdong kane ka wahduid,” ong u Bah Rangbah Shnong u Bah Peter G Lamare.
Ia katei ka jaka kaba la tap da ki sanium ki paidbah ki ju pyndonkam da ki dieng sawdong kum ka jingkieng ban iaid hynrei mynta ki la suk da ka jingkieng dewbilat ba 200 meter tam lyngba ka MLA skhim u Bah Embhalang Syiemlieh kaba T 3, 75, 000 lak.Kane ka wahduid ka long kum ka tyllong um na ka bynta ki nongshong shnong ka Mawlai namar ka tuid shaduh ka dam ba don ha Umsohlang. Ka dorbar shnong Mawroh ka kmen ruh namar ba ka dei ka jingrakhe ïa Dorbar Shnong ïa ka jingdap 75 snem.