Shillong:Ka nongbah Shillong man la ka por ba ther u slap la sakhi ia ka jingshlei jong ki surok bad ki lynti synkien kaba la wanrah jingeh pat ia ki paidbah ba iaid ba ïeng, wat la u slap u neh tang ha ki khyndiat minit lane shipor.
Hadien ka jingap khmih lynti ia ka jingwan jong u slap namar ka jingma na ka jingrang tyrkhong bad ka jingshit kyrang, hynnin ka Sngi u Blei bad ha kane ka sngi Nyngkong u slap u la ther ha kylleng ki jaka ka Jylla, kumjuh ha nongbah Shillong, hynrei kaba lyngngoh ba na ka por sha ka por ka nongbah Shillong ka sakhi ia ka jingshlei um wat la u slap um pat dei uba jur lane neh slem.
Kaei ka daw kaba pynlong ia ki surok ban kylla wah ha ka por slap, hato kadei ka jingbym saindur lypa ban shna ia ki nala lane kadei namar ka jingtorti ka tnat PWD haba ka ai kam ia ki contractor, ne kadei ka jingkyntur pud palat da ki trai dukan bad trai jaka.
Kumba ka paw kiba bun ki surok ha nongbah Shillong kim don satia ia ki nala na sharud lane kita ki side drain ban ailad ia ka um ba kan tuid ha ka por ba slap, bad ki nala kiba don ha ki katto katne jaka ruh ki dap da ki ñiut bad ki jaboh kiba ym shym la pynkhuid da ki snem.
Hadien ka jingwan jong u slap la iohi ba ki surok ha ka thaiñ Polo, Demseiñïong, Lower Lachumiere bad kiwei ki jaka ki la shlei da ka um la kum ka wah bah bad ka pung ri dohkha kaba wanrah jingeh ia ka iaid ka ïeng ki nongshong shnong.
Ka jingshlei um ha ki ba bun ki ri ka dei ka dak kaba pyni ba ka jingwan arsien U Trai Jisu ka lah nang hajan.