Shlei um ka Nepal, iap 59ngut bad dang jah rngai sa 44ngut

Ka jingshlei um kaba jubor, ka la lynshop ia ka Nepal, naduh hynnin ka sngi, ha kaba ka la pyniap ia 59ngut ki briew, ha katei ka Ri bad ki don sa 44ngut kiba dang jah rngai, ong ka khubor.
Ki stad ki kam, ba ka jingkylla jong ka mariang, ka la pynjulor jur ia ka mariang sha kylleng ka pyrthei bad haba ka don ka jinghap slap, ka wan kaba jubor bha bad kaba pynjulor jur ia ki shnong ki thaw.

Kat haduh mynta, la iathuh ba kiba iap, ki long 59ngut, kiba mynsaw 36ngut bad sa 44ngut kiba dang jah rngai bad haduh mynta, ki don 200 tylli ki jingshlei um bad ki jinghap slap jur ha kiba bun ki jaka jong katei ka ri bad ki wah ha sawdong ka nongbah Kathmandu, ki la nang kiew shajrong, ha kaba kiba bun ki la tip ruh ia ki iing briew. Ki don bun bah kiba sahkut ha ki tnum iing jongki bad kiba donkam jingiarap na ki bor pulit ban pyllait im ia ki, na katei ka jingshlei um ba shyrkhei.