Shlei ki khun jakoid ha shnong Dawki

Shillong, 24 Jylliew:
Mynta la lai sngi kynthih, ki jakoid kiba rit ba rit, kiba ka jingheh jongki, ka long kham rit ia ki maw marbel, ki la shlei ia ki iing ki sem, ki shnong ki thaw bad ki lynti syngkien ha Dawki , ha Bakur.
Katei ka jingjia, ka la pyn kyndit ia ki nongshong shnong, namar ba kitei ki khun jakoid, ki dap mam, ha ki iing ki sem, wat haba ki ioh lad ban rung, na ki thliew kiba rit eh ruh bad mar ia rung ha iing briew, ki kynthih, ha ki khiew ki pliang, ki kynthih sha ki almari buh tiar buh tar bad wat sha jingthiah ruh.
Kitei ki jakoid, ki long rong lieh bad rong iong bad kim shym la pyn mynsaw eiei satia ia ki briew, wat la ki long ki jingthaw kiba I saitmet pat, haba ki leit boi sha ki iing shong iing sah khamtam.
La antad, ba kitei ki jakoid, ki mih na ki nala rit, kiba don ha katei ka shnong bad ki ia phet krad noh, na ka jingther jubor jong u slap bad ka jingshlei ki um ki wah ha kine ki khyndiat sngi ba ladep.