Shlei ki kam pynroi ha ka jylla, ba jan ka sorkar MDA bad ki heh ha Delhi, ong u CE

Nongpoh:U Chief Engineer ka PWD Roads Shillong, u Bah D. Langstang, haba u ai jingkren kum u Chief Engineer ha ka sngi buh Mawnongrim ha Umden, u la ong ba ka nongrim hi kaba la pynlong ia ka jylla ba kan ioh shibun ki kam pynroi bad khamtam eh haba iadei bad ki lynti synkien ne ki surok, ka daw hi ka dei ba ki heh sorkar MDA, ki don ka jingiadei kaba jan eh bad ki heh ha Nongbah Delhi.

“Kum u Chief Engineer ka PWD Roads, nga iohi ba lap ba ha kane ka jingialam da ka sorkar MDA, ka jylla ka la ioh shibun ki kam pynroi bad khamtam haba iadei ba ki surok, ha kaba ka daw jong kane baroh, ka jia dei na ka jingtbit ki heh ka sorkar MDA ban pyniadei bad ki heh ha Nongbah Delhi, na bynta ban wanrah shibun ki kam pynroi ha ka jylla” ula ong.