Shitom ki nonghikai, barit palat ki kamra ha skul Thyllaw

Shillong, 6 Nailar:
Ki nonghikai skul ha shnong Thyllaw kila pyn paw ba ki shem jingeh ban ai jinghikai ia ki khynnah namar ba ki kamra klas ki rit haduh katta katta kaba ki khynnah skul ki hap ban shong haduh 6 ne 7 ngut ha kawei ka ben.
Ki nonghikai skul ki la pynsngew ia kane ha ka jingialang kaba la khot ka Khasi Student Union, Thyllaw Border Area Unit kala pynlong ia ka jingia lang bad ki kmie ki kpa jong ki khynnah ha Thyl law Upper Primary School dang shen. Ym tang ka jingrit palat ki kamra klas, la iathuh ruh ba ki khynnah kim lah ban pyndep hok iala ki kamram ba la bthah na skul ban pyndep ha iing namar ba ki hap ban iarap ia la ki kmie ki kpa ha ki kam ki jam jongki. “hooid, ki kmie ki kpa kila iarap iala ki khun ban pynnang pynstad hynrei ka donkam iaki pat ban ai lem ka por ba kin ioh ban pyndep hok iala ki kamram,” ong uwei u nonghikai.
Ka KSU ka la khot ia kane ka jingialang ban iathir bha ia ka jingeh kaba ki kmie ki kpa, ki nonghikai bad ki khynnah skul khamtam ha ki thain nongkyndong.
Ki kmie ki kpa kila kubur ba ka long kaba eh shisha iaki ba kin pyndep iaki home work namar kihap ban iarap lem iaki kam iing kam sem namar maki (kmie ki kpa) ki hap ban leit sha lyngkha sha risa. Na ka liang ka jongki, kila kular ba kin ialeh katba lah ban ai iala ka por kba kordor iala ki khun ba kin lah ban pyndep iala ki kamram ha kaba bad ki bynta ba la bthah na skul.
U Bah Richmond Hill Syiemlieh, General Secretary ka seng ula ong, “Baroh ngi la iabeh iaka jingnang jingstad la ka long ha sor ne nongkyndong, hynrei hapdeng kane ka jingiabeh ka don ki jingeh bad kine ki jingeh lah ban weng lyngba ka jingiatreilang hapdeng ki kmie ki kpa, ki khynnah skul bad ki nonghikai,”.
Ha kane ka jingialang ki skul ki don lai tylli ki skul kiba la wan ban iashim bynta ki kynthup iaka Government LP School, Church of God LP School bad ka Thyllaw Upper Primary School. Ha kane ka sngi la ioh ruh ka jingkren na kiba bun bad kila pynpaw ba kane ka dei ka sien kaba nyngkong iaka seng ba kan shim ia kane ka sienjam bad ka long ruh ka jingmyntoi iaki namar ki ioh ban tip ia kaei ka jingeh bad ruh ka kamram ba kin leh.