Shitom ka longkmie ba bam tit

Jowai, 17 Jymmang:
Kawei ka longkmie ka la shitom jur hadien bala bam ia ka jyntah tit mynta ka meit sngi U Blei ha ka shnong Iooski.
Katei ka longkmie kaba la tip kyrteng kum ka kong Shibun Paslein (26 snem) ha ryngkat u kpa bad 2 ngut ki khun ki la bamja da ka jyntah tit bad hadien ba la bam, ka kmie ka la shitom haduh ba la tyrsain ki kti ki kjat. Haduh ba la thoh ia kane ka khubor ym pat shym la wankit ia katei ka longkmie sha jaka ai jingsumar, hynrei ki dang pyrshang shwa na ki doctor Kabiraj.
Na ka liang ka KSU Iooksi Unit ka la kyntu ia ki paidbah ba kim dei ban bam kulmar ia ki tit khlaw. U Nangai Sutnga u la ong ba bun ki paidbah ki bakla ia u tit.. U tit uba ki kheit  u ia syriem eh bad u tit u ba long bam.
U la iathuh ruh ba katkum ka jingngeit ki riew hyndai, kine ki bnai ym pat dei ki bnai bam tit lait noh u tit tung bad tit jwat. Ka por ban kheit tit ka dei hadien ka shiteng u bnai June.
“Ha shwa ka shiteng u bnai June, baroh ki tit kidei kiba long bih suda, katkum ka jingiathuh bad ka jingngeit ki riew tymmen”, la iathuh utei u nongialam ka KSU.