Shiteng tulop yn ioh U MR bad ki myntri ka sorkar jylla

Shillong: Ka sorkar Meghalaya lyngba ka tnat pla pisa ka jylla myn hynnin ka sngi kala pynmih ia ka jingpynbna ba ka sorkar Meghalaya kan bat ia 50% ka tulop jong u bnai Lber 2020 jong u myntri rangbah ka jylla, ki minister, ki IAS, IPS bad ki IFS.

Ia kane ka rai la shim kum shi bynta ban pynduna ia ki jinglut bad ban pynbun ia ka pisa ban ia khun pyrshah ia u COVID-19 bad ban pynbiang ia ki marbam mardih na ka bynta ki paidbah ka jylla Meghalaya.

Ha kawei pat ka liang ka sorkar Meghalaya ka la pynbna ba ki nongtrei jong ka sorkar jylla kin ioh ia ka tulop jong ki kumba ki dei ban ioh bad kane ka jing pynbna ka sorkar kan nym don kano kano ka jingktah ia kiwei pat ki nongtrei sorkar ka jylla.