Shillong, 13 Iaiong:
Ka prokram jing rwai bad jingshad jong ka thain shatei lam mihngi, ha ka nongbah Delhi ba pyniaid da ka tnad jong ka Art bad Culture jong ka jylla Meghalaya ba la bei tyngka da ka North Eastern Council, la pynlong ha ka 11 tarik u iaiong 2015,ha katei ka sngi u President ka ri India u la long kum u kongsan.
Kane ka dei ka sien ba nyngkong ba ka jylla Meghalaya, ka la ioh lad ban pyniaid ia katei ka prokram, bad ha u snem ban wan, yn pyniaid da kawei pat ka jylla na ka thain shatei Lam mihngi ka ri, katei ka prokram ka dei kaba la thmu ban pyni ia ka jingriew spah jong ki riti ki dustur tynrai jong ka thain shatei Lam mihngi sha kiwei pat ki jylla ha ka ri India.
Na ka liang jong ka KSU Delhi ka la pynpaw ia ka jingkmen ba la lah ban pynlong ia kum katei ka prokram khnang ba kito ki bym pat wan sha ka thain shatei lam mihngi kin iohi ia ka riti ka dustur , ka jingshad tynrai ki jylla jong kane ka thain. Ka la ai khublei ia baroh ki nongialam jng ki samla pule bapher bapher ba ki la kyrshan ia ka jylla Meghalaya ban pynlong ia katei ka prokram. Ha kajuh ka por ka la pan map na ki bym shym la ioh rung sha katei ka jaka ba pynlong ia ka prokram kiba la wan kham slem namar ba la pyrkhing ia ki da ki bor pahara jong u President.
Ka KSU ka kwah ba dei ban pynlong man ka por ia kiba kum kine ki prokram khnang ba ki khasi kiba shong bas ah ha Delhi kin lah ban pyni ia ka riti dustur bad tynrai jong ki sha kiwei pat ki jaitbynriew. Haba ia kren ia kane ka Art bad Culture Director jong ka jylla Meghalaya ka kong Matsiewdor War Nongbri ka la kular ban ia jingiarap katba lah khnang ba ka jylla Meghalaya kan lah ban shim bynta ha ki prorkram ba ia dei bad ka art and culture. Ki nongrwai nongtem, kiba wan ban shim bynta ha kane ka sngi ki don kumba 132 ki nong shad bad 26 tylli ki band. Kane ka dei ka kyrwoh na u Samla Rae Ridame Sari, General Secretary KSU Delhi.
Phi don ban ong eiei?