Shillong:Tang shi sngi hadien ba u MLA barim jong ka Maw synram constituency, u bah Himalayan Muk tan Shangpliang, u la iehnoh kam na ka parti BJP kum u dkhot jong ka, ha ka sngi palei pat u la pynbna ba un leit rung noh sha ka parti ba ialam ia ka sorkar jylla, ka National People Party (NPP).
Ha kaba u bah Shangpliang,un leit rung sha ka parti NPP ha ka 13 tarik u nailur 2023.
Haba iakren bad ki lad pathai khubor, ha ka sngi palei u la ïathuh ba un sa rung sha ka parti NPP, khlem kino kino ki kyndon. U la ïathuh ruh ba u la long u ba la pynkhreh ban kit ia kino kino ki kamram ba ka parti kan ban shet da ki bor bahalor jong ka parti, tang shu rung sha katei ka parti.
Ka parti NPP, ha ka jingialam jong u Conrad Kongkal Sangma kum u President ka la ioh jingithu kum ka National parti ha u snem 2019, ha kaba ka dei ruh ka parti ba nyngkong na thain shatei lammihngi ban ioh jingithuh, kum ka National Parti.
Na ka liang, jong u bah Himalayan Muktan Shangpliang, u la kyntait ba ka jingmih ka jong u na ka parti BJP ka dei na ka daw jong ka elekshon Lok Sabha 2024 bad phaikhmat ban ioh ia ka tiket NPP ban iakhun ia ka elekshon MP na Shilllong Parliamentary constituency.
Hynrei u bah Shangpliang, u la jubab ba ka jingmih jong u na ka parti BJP, ka dei hadien ba u la ioh ba kam don satia ka lawei ha kane ka parti. “Wat la nga sngewtynad ban don ha ka parti hynrei ki don bun bha ki mat, ki jing bym ia sngewthuh jingmut ha ka parti,ka jing bhah kam sha kiba iajan, kiba khanglad ba ka parti kan khlaiñ bad suhthied. Lada nga trei na bynta ka roi ka par jong ki paidbah, kum kine kiei kiei kim dei satia ban ioh jaka, ka jing bymsngewthuh jingmut bad ka jingaikam tang sha ki katto katne kiba don jingiadei”.
U Bah Shangpliang, u la phah ia ka shithi iehnoh na ka parti BJP ha ka 6 tarik nailur 2023, ha kaba u la aidaw ba ka jingiehnoh kam, ka dei namar ka don ka jingbym ia sngewthuh jingmut bad ka jing bhah kam ha ka parti ka long tang sha ki katto katne kiba don jingiadei.
Due to global warming