Shimti U RN Ravi, kum U Lat thymmai ka Nagaland

U RN Ravi, uba dei u ksiang jong ka sorkar India bad ki Naga, ula shah jied mynta ka sngi, kum U Lat jong katei ka Jylla.

U Ravi, ula don bynta bad ki Naga, naduh u snem 2015, ha kaba la ia soi ia ka soskular iasuk hapdeng ka sorkar India bad ka NSCN (IM).

Nalor U Ravi, U President ka India, ula thung ruh ia U Ramesh Bais kum U Lat ka Tripura, ka Anandiben Patel, ka Lat ka Madhya Pradesh ka la shah kynriah noh kum ka Lat jong ka Uttar Pradesh, U Jagdeep Dhankhar un long U Lat thymmai ka West Bengal, U Lal Ji Tandon, uba dei U lat ka Bihar un long U Lat thymmai ka Madhya Pradesh bad U Phagu Chauhan, un long kum U Lad ka Bihar. U Ravi, un mih bujli ha ka jaka U Padmanabha Acharya.