Shimti U Nada, kum U President BJP

New Delhi: U Jagat Prakash Nadda, ula shimti kum u President ba thymmai ka seng Bharatiya Janata Party (BJP).

Kumba shu pynkynmaw u J. P Nadda u la bat kum u ‘Working President’ ka BJP hadien ba u Amit Shah u la ieh noh kum u ‘President’ ka BJP hadien ba u la long kum u myntri kam pohing ka sorkar India ha u naitung 2019.

Hadien ka jing shimti u Amit Shah kum u myntri kam pohing ka ri India ka BJP ka la sdang ban wad nongialm ba khliehduh ka seng bad ka la thung ruh ia u J. P Nadda kum u ‘Working President’ ba shipor jong ka party.
Ha ka jing ia jied ‘President’ ba thymmai mynta ka sngi, u J. P Nadda u la jop suk bad u la ioh ruh ia ka jing kyrshan ba pura na ka ‘BJP Parliamentary Board Members’ kiba kynthup na u Amit Shah, Rajnath Singh bad na u Nitin Gadkari.
U J.P Nadda u la long ruh u nong mihkhmat hapoh ka ing thaw ain ka jylla Himachal Pradesh ha u snem 1993, 1998 bad 2007 ha shwa ba un ioh ban long kum u ‘President’ ba thymmai jong ka BJP.