U Justice Ranjan Gogoi, mynta ka sngi, ula shimti kum U Chief Justice ba 46 jong ka India. La pynbam smai ia U Gogoi, da U President ka Ri, U Ram Nath Kovind. U Gogoi, u dei U Chief Justice ba nyngkong eh na ka thain shatei lam mihngi bad ka por treikam jongu, kan kut ha U Naiwieng 2019.
U Gogoi, ula long u nongbishar ka Gauhati High Court, ha U Rymphang 2001 bad hadien kata, ula leit sha Punjab bad Haryana High Court ha u snem 2010 bad ula long kum U Chief Justice jong katei ka kashari, ha u snem 2011 bad ula rung ha Supreme Court, kum u nongbishar, ha ka 23tarik Iaiong 2012.