Shimti ki pulit, ia ka kali Assam ha Saw Mer Shiteng

Shillong: Ki pulit ka jylla hynnin ka miet ki la shimti noh ia ka kali praibed Assam ka ba don ia u number plate AS 01 AN 3993 ka ba la pynieng ha khlaw Khliehshnong ha Saw Mer Shiteng.

Katkum ba la ioh jing tip ia kane ka kali la pyndonkam da 3 ngut ki briew bym ithuh ki ba la pynieng ia ka kali ha ka khlaw shnong bad dei namar ka jing iohi noh ki briew na ka shnong kine 3 ngut ki la phet noh lyngba ka khlaw bad ki la ieh noh ia ka kali.
Namar ka jing bym sngew shngain ki rangbah na ka shnong ki la pyntip ia ki bor pulit na ka bynta ban wan ban shimti noh bad ban leh ia ka ba donkam.