Jowai: 
Ha kaba iadei bad ka jingshah pyniap u President ka JYF, u Poipynhun Majaw, na ka liang ka tnad Crime Investigation Department jong ka tnad kam Pohiing (Home-Police) ka la shimti hi da lade ban tohkit bniah bad ban iohkem ruh ia kiba donkti.
“Ka tnad CID ka la shimti ban tohkit halor ka case jong u President ka JYF bad kane ka long hi ka rukom ym tang ha kane ka jylla haba jia ka jingshah pyniap ki briew kiba khampaw ha ka imlang ka sahlang”, la ong uwei na ki heh Pulit
Halor kane, la pyntikna ruh da u SP ka EJH, u ma N Lamare.
Ha kawei pat ka khubor, u SP ka EJH u la iathuh ba ki pulit ki la trei shitom ban thwet ia kiba donkti ban pyniap ia ka longkmie Fullness Lyngdoh.
“Ngi la lap ksai bad ngi la kem ruh ia ki ar ngut ki briew kiba la suba bad ngi dang tohkit bniah ia ki ban lap ia uba donkti”, la ong u SP.
“Ka dei ka kam marwei, bad ngi la ioh ksai bad ngin sa ioh ban kem ia u runar”, la ong shuh shuh u SP
Ka longkmie Fulness Lyngdoh ka im ka jingim kaba jynjar hadien ba u lok u la phet bad ka la hap ban trei shitom na ka bynta ban bsa ia u khun shynrang ba marwei jong ka. Ka die dukan sha Little Flower School.
Kitei kiba shah kem ha ki pulit ruh kidei kiba ju don jingiadei bad ka ha ki kam samla.