Shimti biang ka Supreme Court ia ka kam ST U Mukul Sangma

Shillong, 2 Nailur:
Ka Supreme Court mynta ka sngi, ka la pynmih ia ka hukum, kaba yn sdang biang ban tian bishar, halor ka rai, kaba la dep pynmih da kane ka kashari, ha ka 18tarik Nailur 2015 bad ba kan sdang ban bishar biang ia katei ka mukotduma, wat la ka dei, kaba ka la pynmih hukum ha katei ka sngi.
Katei ka jingbishar, kaba la ujor da U Tennydard M Marak, la buh mynta ka sngi, ha khmat u nongbishar, Madan.B. Lokur bad U Justice Mr. R. K. Agarwal. La ia said ia katei ka mukotduma jong U Tennydard, da U Basava Prabhu. S. Patil, Senior Advocate lem bad kiwei de ki riewsaid kiba iarap ia u.
Kham mynshwa, lah ban pynkynmaw, ba ha ka 16tarik Naiwieng 2015, U Tennydard Marak, ula ujor biang ha Supreme Court, halor ka jingkyntait jong katei ka kashari ba heh duh ia ka jingmudui jongu ia ka jinglong Scheduled Tribe jong U Mukul Sangma.
U Tennydard, ula ujor, ba ka jingweng noh ia ka jingmudui jongu, ha ka 18tarik Nailur 2015, ka long ka jingkhanglad ia ka hok jongu kum u nongshong shnong bad kaba pynkhein ruh ia ki kyndon jong ka riti synshar ri, kaba kat kum ka article 32.