Shim khia ka sorkar Jylla, ban pynpoi kloi ia ka met U Archbishop

Shillong: U Conrad K Sangma u ba long u myntri rangbah ka jylla mynta ka sngi ha ba ia kren bad ki lad pathai khubor u la iathuh ba ka sorkar jylla ka la shim khia ban pynpoi kloi noh ia ka met jong u Archbishop Most Rev Dominic Jala ha Shillong.

U Myntri Rangbah u la ong ba na ka liang jongu, u la dep ban ia kren bad ka sorkar ha Delhi, kum juh ruh bad ka embassy ban peit ba ka met jong u Bishop ka dei ban poi kloi sha Shillong.

U Myntri Rangbah u la ong ba ha ka jingiakren jong u bad ka ophis embassy ki la iathuh ba kan shimpor lai saw sngi ban pyndep ban soi ia ki kot ki sla kiba don kam baroh bad ban wan rah ka shim por shi sngi.

U la ong ba mynta ka sngi ruh na ka liang jong u, un dang budien ia kane ka kam bad la iathuh ba na ka liang jong ka sorkar ka la shim ia ki lad ki lynti baroh ba kumno ban pynpoi noh kham kloi ia ka met Archbishop Most Rev Dominic Jala sha Shillong.