Shim khia ka PHE ba tuid u shyiap sha dam Mawphlang:Dr RC Laloo

Shillong, 9 Jylliew:
U Symbud Myntri Rangbah ba peit ia ka PHE u Prof RC Laloo u la ong ba ka tnad ka la shim ia ki lad ki lynti ia ka jingtuid ki shyiap sha ka dam ha Mawphlang.
Ka lynti ba nyng kong ban iada ia ka jingtuid ki shyiap sha dam Maw phliang la shim da ka tnad PHE, la ong u Prof Laloo bad bynrap ba la shna ia ka Silt Retention Dam ha ka wah Umiew bad wah Umtyngngar.
“Hynrei kane ka lynti ba la leh da ka sorkar kam pat biang lada jia ba wan u slap ba jur namar ba kan don ka jingshlei um”, la ong u Prof Laloo haba jubab ia ka jingkylli ba la wanrah hapoh ka iing dorbar hynne ka sngi Nyngkong.
Haba jubab ia ka jingkylli jong u nongialam liangpyrshah u Dr Donku par Roy, u Prof Laloo u la iathuh ba ki dang peit ia ki kyndon jong ka Meghalaya Catchment Area Protection Act, 1900 ban iada ia kane ka dam.