Shim khia ka AJPM, halor ka jingsniew surok Pammura –Sohkhymphor

Jowai,7 Lber:
Ka All Jaintia People Movement (CB) lyngba ka jingujor jong ki paidbah na ka thain Pammura shaduh Soh kymphor, ka la pynpaw ia ka jingsngewkhia haduh katta katta na ka bynta jingbha u paidbah halor ka jingiaid jong ki Trok kit mar ia u surok na Pammura shaduh Soh khymphor khlem da peit iaka ain kaba la thoh “No Entry For Heavy Vehicle” namar lyngba ka jingiaid ki jong ki trok kit mar,kaba la pynlong ia ka surok kaba dang shu dep shna shen dang hapoh shisnem bad mynta ha kiba bun ki bynta jong kane ka surok la paw satang ki maw bad ki jingat jingthem bad ka pum pum kaba la ktah shikatdei eh ia kiba leit ba wan jong ki Paidbah.
Ki kali khamtam ia ki kali rit ki shitom bha iaid lynti lyngba kitei ki bynta ba la sniew jong une u surok . “Kaba I sangsot ka long mynta la jan wan ka por lyiur bad satang shu wan u slap katei ka bynta jong kane ka surok kan ymlong shuh ban iaid ki kali rit bad kane ka jingsniew, kan sa ktah ia baroh ki nongleit nongwan jong kane kane thain.
Te na ka liang ka Seng lyngba ka jingpynpaw jong u paidbah halor kane ka jingeh jong ka jingsniew ka surok lyngba jingiaid jong ki trok kit mar ka la kyrpad ia ki bor sorkar jong ka tnad PWD ba kin shim khia kloi kloi ha kaba iadei bad kane ka khia ka shon jong u paidbah pynkut ka kyrwoh na u Vice President ka AJPM (CB) u ma Rijen Dkhar