Nongpoh: Ha kaba kut noh ka 1st Valentine’s Day knock Out Basketball Tournament, ka lympung ialehkai ba ar sngi kaba la pynlong da ka Sparkles Basketball Club ha Nongpoh, ka kynhun ialehkai Basketball kaba la tip kum ka Single’s Boys ha ki shynrang bad ka kynhun The Beast ha ki kynthei, ki la ioh ban rah ia ka nam lahduh ha katei ka lympung ialehkai basketball.
Ka jingiakhun phainal hynne ka sngi, ka la long ha ka liang ki kynthei, ka jingiakhun ka la long hapdeng ka kynhun kaba la tip kum ka The Beast na Nongpoh pyrshah ia ka kynhun ialehkai kaba na Pahamsyiem hi, ha kaba ka The Beast ka la lah ban pynliem noh da 31 la 12 basket.
Haba phai sha ka jingiakhun hapdeng ki shynrang, ka jingiakhun ka la long hapdeng ka kynhun ialehkai na Pahamsyiem pyrshah ia ka Single’s Boys, kumta hapdeng ka jingiakhun ka Pahamsyiem ka la shah rem noh hakhmat ki rangialehkai ka Single’s Boys da 55 la 32 basket.
Kitei ki kynhun, kiba la ioh ban rah ia ka namlahduh, ki la ioh rah ia ka song pisa ha ryngkat ki khusnam kaba la ai da ki nongpyniaid ha katei ka Lympung. Ia ki khusnam ha ryngkat ka song pisa. Ki riew rangbah kiba la donlang ha katei ka sngi ki kynthup ia u bah Rayonald Kharkamni, Secretary Nongpoh Town Committee, u samla Herroi Nongrum, Secretary Seng Samla Nongpoh, Samla Ronald Ranee, ki nongkitkam ka Sparcles BC lem bad shibun kiwei pat.
Phi don ban ong eiei?