Shim bynta ki paidbah, ha ka sngi pynkhuid shnong ha Nongpoh

Nongpoh:Hynnin ka sngi Saitjain, ka Dorbar Shnong Nongpoh Proper, ka la lah ban pynlong da ka jingiapynkhuid shnong paidbah, ia kaba la wan ban iashimbynta lang da baroh ki nongshong shnong, kaba long ruh kum shibynta ban wanrah ia ka khuid ka suba bad ruh ban ai jinghikai sha ki paidbah nongshong shnong ba kin pynlong ia ka Nongpoh kum kata ka shnong kaba khuid ba suba.

Ha katei ka sngi ba la pynlong ia katei ka jingpynkhuid shnong, la sakhi ruh da ka jingdon u Bah Mayraldborn Syiem, MLA Nongpoh, u Bah Balajied Rani, MDC, u Bah Sil Mynsong, Rangbah Shnong ka Nongpoh lem bad kiwei ki riew rangbah.

Lyngba jong katei ka sngi, u MLA u la lah ruh ban plie paidbah ia ka ophis treikam ka Head Mistress ka Nomiwel Secondary School bad ka ophis ka Dorbar Shnong ba la wan plie hi da u MLA Nongpoh.
Hadien kane ka jingïalang ban ai jinghikai halor ka khuid ka suba, la pynbut pat da ka jingïapynkhuid shnoing paidbah ba la shim bynta da baroh ki paidbah ha ki dong bapher bapher jong ka Shnong Nongpoh bad lyngba jong kane ka sngi ka jingmih ryntih ki paidbah ban ïa pynkhuid shnong ka la wan rah shisha ka jingkylla halor ka khuid ka suba hapoh kane ka Shnong Nongpoh.